طريقة وزن كلمات راب

انشالله اني بفيدكم هاذي ونقول بسم الله

بعلمكم كيف طريقة كتابة شعر الراب وانواعه و هي قريبه من كتابة الشعر العادي لاكن تختلف بشكل بسيط عن طريقة وزن الشعر ولها اربع طرق :

الاولى :

وزن البيت الاول مع الثاني والبيت الثالث مع الرابع

مثال :

انتي يا امي ترا عندي الغاليه
من صغري وانتي دايم في عيني عاليه
حملتيني في بطنك تسعة شهور
وفي النهايه عصيتك وانا الحين مقهور

الطريقه الثانيه:
وزن البيت الاول مع الثاني مع الرابع والبيت الثالث يكون حرف قريب من الابيات السابقه

مثال:
بتشوف بلاوي وتشوف عجايب
والواحد راح ينسى كل الحبايب
وكل حبيب راح يترك حبيبه
وبيبعد عن اهله وكل القرايب

الطريقه الثالثه :
وزن الاربع الابيات كلها بنفس الوزن

مثال :
شلتيني في بطنك وتحملتي الالم
وانا عصيتك والحين كلي ندم
ياليت اصحى وافوق من الحلم
او تسامحيني يا امي وابكي بدل الدموع دم

وزي ما تلاحضون في الابيات السابقه جات الاحرف قبل الاخيره قريبه من بعض في النطق حيث كلها مفتوحه في البيتين الاولى وساكنه في البيتين الثانيه

الطريقه الرابعه:
وزن البيت الاول مع الثالث والبيت الثاني مع الرابع
مثال:
من بعد مازعلتك وانا عايش محتار
محتار كيف ارضيك محتار كيف اداريك
سامحيني يا امي على كل الي صار
انا ما بقول الى ربي يخليك




وافضل شي في الوزن انك توزن الثلاث الكلمات الاخيره واذا ما قدرت تقدر توزن الحرفين الاخيره فقط .


وانشالله اني كفيت ووفيت وابغا اشوف ردود حلوه يا حبايب قلبي

وللي ما فهم يرفع يده



اخوكم
الرابر \ دي جي المحارب

سلام عليك والله مفييييييييييييييييييييييد جدا جدا

اشكرك ع المووضوع سلمت يداك